فلسفة حمــــار

موضوع: فلسفة حمــــار السبت مايو 29, 2010 5:16 am

عجبى عليك ياإبن آدم ياكبير الدار
قومت الدنيا وما قعدت لما قالو حمار
هو أسمى شتيمة ولا جنسى ده عــار
خلقنى ربى وخلقك ولا حدش له خيار
وأنا مهما زاد الحمل فوقى صابر على المشوار
لا فى يوم أقول أشمعنى أخويا وآخد منه تــار
ولا يوم أبص لرزق غيرى وأطق منه وأغـــار
ولا أرفع فى يوم عينى على جارتى وأصون الجار
ولا مهرأدفع لحمارتى وشبكة وأجيب لها سوار
ولا شقة أجمع تمنها ولا أجهز دار
ولا مراتى حامل تتوحم على الكافيار
ولا بنت تخرج عن طوعى وتجيب العار
ولا أبن يدمن ويهلوس ويقع وينهــــار
عايش فى حالى متهنى وليه أفكــــار؟
باكل وباشرب وأنهق وما فيش أسرار
وعندى ابن آدم يخدمنى ليل ويا نهار
إن جعت يشترى لى برسيمى بأغلى الأسعار
وفى مرضى يفضل يعالجنى ويدعى الستـــار
خادم أمين من غير راتب ولا حتى ايجار
والحين عرفت يإبن آدم مين فينا الحمار؟؟

» فلسفة حياة